PA-KIT

March 9, 2010

Andrew E., sa aking palagay, maituturin kang parang isang bayani dahil ikaw ang nagtaguyod ng eksenang HIPHOP sa Pilipinas. Kung hindi dahil sa yo, walang mga NAKA-HIFHAF look sa mga mall at hindi rin siguro mauuso yung emo para kumontra sa mga HIFHAF na yan.

Kung ikaw si Macbeth, o kung sino mang tauhan sa mga likha ni Shakespeare, o ng kung anong likhang panitikan, ikaw ay may isang malaking TRAGIC FLAW na magdadala sa iyo tungo sa iyong katapusan. Sana, gumawa ka na lang ng HIPHOP VERSION ng Bahay Kubo. O kaya ng Lupang Hinirang. O kaya nagrap ka na lang tungkol sa mga mahihirap, yung mga naligo na sa dagat ng basura, o nagpasko sa gitna ng kalsada.

“Humanap ka ng Pangit”. Sana hindi mo na lang sinulat ang kantang ito. Madadala ba ng konsensiya mo ang itsura ng mga couples ng ating henerasyon at ng mga susunod pa?

 

 

Figure 1. Typical PA-KIT Couple.

Ang kantang ito ang naging mitsa ng isang pagsibol ng isang uri ng COUPLES na sobrang laganap na sa buong Pilipinas, ang mga couple na kung tawagin ay PA-KIT. PA-ngit na may kasamang mari-KIT.

PA-KIT.

Heto ang isang letter sender:

Dear Chucks,

Bakit dumarami na ang mga PA-KIT na couples? Ayaw na ba ng mga babae sa pogi? Pogi naman sana ako, pero bakit ganun. Lahat ng ligawan ko, napupunta lang sa pangit. Hay.

Isang concerned pogi,

Mark

 
Figure 2. Celebrity PA-KIT Couple

 

Hindi naman natin masisi si Andrew E. Siya’y isang pogi rin. At marahil, may dahilan siya kung bakit niya nagawa ang kantang yon. 

 

Hindi rin natin masasabi na ang mga babaeng ito, ang mga babaeng maganda ay nagse-settle na lamang para sa mga lalakeng ito. Ang mga lalakeng ito, ang mga lalakeng hindi naman kagwapuhan, ang mga lalakeng hindi siguro descendant ni Adan, ay may kakaibang appeal na tanging magagandang babae lamang ang nakakakita o nakakaranas.

Mapait tanggapin ang katotohanang nauubos na ang populasyon ng mga magagandang babae sa populasyon ng mga taeng lalake. Kung titignan, ano ba ang pinagkaiba ng mga pogi sa pangit maliban sa gwapo yung mga pogi, at yung mga pangit ay hindi?

Ang pinakamasakit ay ang hampas sa mukha ng katotohanan pagdating sa anu mang bagay, ngunit pinakamasakit marahil ang tanggapin na OO, GUSTO NG MGA BABAE ANG MGA PANGET NA LALAKE AT SILA’Y NAGKAKATULUYAN KUNG KAYA’T NAIIWANG LUHAAN ANG MGA POGING LALAKE SA SULOK NA PARANG NAMATAYAN NG ALAGANG TUTA.

Magiging walang katuturan ang sinulat kong ito kung tatanggapin lang natin ang katotohanang ito. Isinulat natin ito dahil nais nating isamulat sa taong bayan na hindi makatarungan ang kasalukuyang nagaganap. Hindi pa nga eleksyon, may DAYAAN NANG NAGAGANAP. Patunay ang nagaganap na ito na hindi madaling abutin ang mga tala, ang mga CHICKS na ALL STAR, at tulad ng mga WAR MOVIES, ang bawat paghabol sa magandang babae ay isang PAKIKIPAGDIGMA for HONOR, for GLORY, and for FREEDOM. Tulad ng 300 Spartans, konti lang tayong mga pogi, at ating mga kalaban ay ang mga PANGIT na PERSIANS! Ang dami nila, pero pota, uubusin natin sila sa HOT GATES gamit ang ating nakagigimbal na KAKISIGAN, ang ating nakakalusaw na KILLER SMILE, ang halimuyak ng ating BREATH at ang matigas nating MASELS. 

Hindi tayo nagiging mean sa mga pangit. Bigyan natin sila, oo, madiskarte nga siguro kayo. Sige, maybe you’re funny. Maybe you’re sweet. Maybe, may-ari ka ng mall sa probinsya niyo. Pero. Ang lahat ng babae ay nangangarap maging nanay. At sa oras, na maimagine nila ang magiging itsura ng panganay nila sa inyo, na magmumukha siyang alagang ibinibenta sa isang exotic pet store, sino ang magluluksa at sino ang magwawagi? Darating din ang araw niyo, malapit na ang amin, kaming mga POGI.