Buhay Crammer

February 5, 2010

Sa bawat exam, hindi naman laging nasusunod ang ideyal na mag-aaral ka ng isang linggo bago ang nasabing exam. Dahil marami kang bagay na ginagawa bago ang araw ng test na yun. Nagaaral ka para sa ibang subject. Nanood ka ng usong sine. Nag-outing kayo ng pamilya mo sa isang malayong lugar. Nagdate kayo ng jowa mo. Nanood ka ng concert. Nangopya ka ng notes ng kaklase mo kasi madalas ka magcut.

Face it. Masyadong masaya ang buhay para ibuhos ang lahat ng panahon sa pag aaral. Kung kaya’t sa panahon ng exam, ayaw mo man aminin, mapapacram at mapapacram ka lang.

Mga bagay na di dapat ginagawa ng isang taong magcracram:

1.) Ang taong nagcracram ay wala nang panahon gumawa ng ibang bagay.

- Huwag ka ng manood ng tv o maglakwatsa o tumae. Ang taong magcracram ay nasa ilalim ng sobra-sobra psychological stress na dulot ng libo-libong formulas at constants na kailangang isaulo. Oo, ending na ng Santino show kanina pero dahil kailangan mo magpractice ng ES problems, maiintindihan ni BRO kung bakit hindi tumaas ang rating niya dahil sa hindi mo pagnood ng season finale Niya.

2.) Hindi humihiga ang taong nagcracram.

- Hindi ka maaaring humiga sa kahit anong malambot (i.e. unan, sofa, kama, floor na may kutson, floor na may carpet, tiyan ni majin boo, boobs ng BEBE mo) or anything comfortable. Una, ang paghiga ay magdudulot ng pagkawala ng mga bagay na maaaring naalala mo na dahil napupunta sila sa black hole of comfortness. Pangalawa, kahit sabihin mong 15 minutes ka lang hihiga, hindi nalalayo ang possibility na ikaw ay mageextend ng another 15 minutes at isa pa ulit 15 minutes hangga’t ikaw ay makatulog na.

3.) Hindi kumakain ang taong nagcracram.

- Kapag kumain ka ng pagkaing nakakabusog habang nagcracra, ikaw ay makakatulog. Napupunta ang karamihan ng oxygen mo sa digestive system dahil kailangan ito upang tunawin ang kinain mo. Nababawasan ang oxygen sa utak at sooner or later, aantukin ka na. Ilimit ang CRAMMING DIET sa mga bagay na maalat at hindi mabigat sa tiyan tulad ng chips o kaya MANI.

4.) Bawal mag-Facebook.

-Self-explanatory.

Mga bagay na makakatulong sa epektibo at garantisadong swabeng pagcracram

1.) Uminom ng power drinks!

- Maghanda ng Coke, kape, o kaya Extra Joss kung extreme ka. Mainam na uminom ng coke lalong lalo na kung nasosobrahan ka na sa kape na nakapagdudulot ng dehydration at palpitations. Buti pa ang coke, diabetes lang.

2.) Magpakabulag sa sandamakmak na ilaw.

- Siguraduhing maraming ilaw sa iyong mesa. Lampshade. Ilaw sa kisama. Isa pang lampshade. Makakatulong ito para madali mong mabasa ang mga bagay na dapat masaulo at pangalawa, mahirap makatulog pag nakakasilaw ang paligid.

3.) Huwag tumingin sa orasan.

- Hindi ka dapat aware na habang abala ka sa pagcracram ay lumalalim na ang gabi. Lumalakas ang temptasyong matulog kapag updated sa oras. Pagdating sa cramming, mas mainam tratuhin itong, “Time flies when cramming.” .

4.) Magbuffer ng kahit anong movie.

- Kapag nagcracram ka, mainam na may hinihintay kang bagay to help keep you awake. Idownload mo yung Karate Kid dahil panalo ang movie na yun at sa buhay, nakatutuwa kung meron kang Mr. Miyagi figure na nagtuturo sa yo ng kung ano anong shit. Okay rin magbuffer ng PORN dahil kung di mo kayang magstay up, at least, mananatiling nakatayo si JUNIOR.