BV
June 30, 2009Sablay. Lagi ka na lang sablay Chuckie-roo. Magpagupit ka na lang.
Malapit na yung eleksyon. nineteen years old na ako. Hindi pa ako nagpaaprehistro para maging botante. I guess dito makikita kung gaano ko kamahal ang Pilipinas. Ano ba ang opinyon ko sa Pilipinas.
Ang masasabi ko lang, may pag-asa pa ang Pilipinas, kung mababawasan ang mga taong tulad kong pasibo sa mga bagay-bagay na nagaganap kahit saan. Bilang isang mamamayan, kailangang maging aktibo sa mga usaping dapat ay interes ng bawat mamamayan, dahil ang mga bagay na ito ang nagpapatakbo ng kung ano-anong shit na meron dito.
Mejo sabog ako magsulat ngayon kasi kakakain ko lang, at napupunta lahat ng oxygen sa tiyan ko.
Sa CON ASS naman. Wala akong nakikitang masama dito, pero, hindi rin naman ako para dito. Kumbaga, neutral na naman ako. Sobrang phony e no. Kasi ang naiisip ko naman, sa sistema nga ba talaga ang problema? Para sa akin, hindi naman dun nasusukat ang good governance na meron ang isang bansa. Kung kailangan ng pagbabago, at totoong kailangan nga natin ito, at kung ako ang masusunod, pagbabago sa mismong mga namumuno ang aking isusulong. Kailangan natin ng mas maraming pinunong mas pinapahalagahan ang interes at pangangailangan ng taong bayan kaysa sa mga pansariling interes niya. Tipong pinunong hindi pupunta sa Japan at may kasama pang mga kongresista habang may milyon-milyong taong nagugutom sa Pilipinas. Ganung tipong pinuno. Digs?
Add a comment
