Mahirap Painitin ang Lumamig na
June 4, 2009Naranasan mo na bang kumain ng spaghetti for lunch at dahil hindi ka naman masyadong gutom, hindi mo ito naubos. Come dinner time, at para makatipid, yun na lang yung iinitin mo para maubos na. Pero, mahirap initin ang malamig na spaghetti. Kung sa kawali mo siya iinitin, matutuyo yung sauce na kumapit na sa pasta at didikit pa ito sa kawali na siyempre, mahirap hugasan kasi nga, tumigas na ulit siya, at magiging dry pa yung pasta. Kapag sa microwave mo naman iniinit, mageevaporate lahat ng tubig sa loob ng spaghetti at kakapit siya sa takip nung microwavable container na ginamit mo, at hahalo na naman ulit yung tubig na yun pag nilabas mo na siya sa spaghetting may sauce na parang natuyong kamatis na hinaluan ng tubig at may pasta itong malutong.
Para lang yang pag-ibig.
Kasi ang pag-ibig, hindi yan spaghetti na kapag busog ka na, pwede mong ilagay sa ref para balikan na lang pag gutom ka na ulit. Hindi yan basta-basta inaayawan dahil ang tunay na pag-ibig ay parang spaghetti na niluto ni Virgin Mary para kay Jesus Christ, mapapamura ka sa milagrosong sarap ng bawat kagat. Kung may similarity ang pag-ibig at spaghetti, hindi na sila masarap kainin matapos itong lumamig at initin.
Dahil ang pag-ibig, dapat, constantly pinapainit. Parang yung spaghetti sa buffet na may apoy sa ilalim. Ganun dapat.
Or para mas simple. Yung pag-ibig dapat, parang yung soup sa Tong Yang, nakatutok parati sa apoy para laging mainit, tapos, pwede mo pang lagyan ng kung ano-anong gulay, o paa ng palaka, o isda, o pusit, o karne ng baboy, ng manok o ng baka para lalong sumarap yung soup. Ang pag-ibig, hindi dapat hinahayaang lumamig at kailangan nito ng constant pampainit. Ang pag-ibig, hindi hinahayaang maging boring, kaya dinadagdagan ng kung ano-anong sangkap para lalong sumarap.
Wag palamigin ang init ng spaghetti. Wag palamigin ang init ng pag-ibig. Kumain sa Tong Yang, 500 pesos lang per head, amoy soup ka pa paglabas mo.
Shet. Gutom lang ata ako.
