Bring Your Daughters to the Gym Day
May 24, 2009Hindi ako regular kung magwork out sa gym, pero sa iilang beses na ako’y pumupunta sa gym para magpapawis sa hangaring lumabas na may katawang inukit ng mga diyos ng Bundok Olympus, wala pa akong nakikitang babaeng chicks na seksi na karaniwang model ng mga gym na ito sa kanilang mga brochures/posters/website and shit. Ito nga marahil ay isa sa mga dahilan ko kung bakit ako nagggym pero asan na ang mga chicks na ito?
Ang mga tao sa gym ay mahahati sa tatlong grupo:
Ang mga Straight na Lalake: Nagggym para maging macho sa hangaring magkaroon ng katawang pangromansa na gagamitin nila sa babae.
Ang mga hindi straight na Lalake: Naglalakad sa locker rooms na nakaPlayboy briefs lang, mabagal magbihis, tila nanonood sa ibang nagbibihis din. Naghahanap ng katawang pangromansa, ng ibang lalake, para romansahin.
Ang mga Straight na Nanay na Babae: Karaniwan silang kalahok sa mga group exercises. Aerobics. Belly Dancing. Nasa lounge, nagkakape/ibang drinks kasama ang ilang Gym Mommies buddies nila. Nakashirt na fit. Sweatpants. Nakamake-up. May headband. Minsan, pag bigtime, may machong personal trainer na siguro ay mas pogi sa asawa nila.
GYM Ratio: 1 straight na lalake: 2 hindi straight na lalake: 4 na straight na nanay na babae
Naisip ko, na ang mga Nanay na ito ay karaniwang nasa edad 40 pataas. Kung nag-asawa sila between the age of 18-24, ibig sabihin nun, meron na silang anak na pumapatak sa edad na 16 pataas. At sa dami ng Nanay sa gym, impossible namang wala ni isa sa kanila ang may anak na dalaga within that range.
Kaya dumarami ang bading dahil sa paggym ay dahil walang chicks na present sa premises. Kanino ivavalidate ng mga machong straight na lalaki ang kanilang hinubog na katawan kung walang chicks? Sa mga nanay? NO. Kailangan natin ng chicks sa gym para mas ganahan ang mga straight na lalake magbuhat at magflex kahit hindi naman kailangan para makaakit ng chicks. Dahil nakakalungkot na bading lang ang nakakapansin sa mga muscles mo.
So please. Bring your daughters to the gym. Huwag niyo silang hayaang nakaupo lang sa bahay kasi tataba sila. AT masama rin yung diet lang sila nang diet. Dapat, pinagpapawisan ang mga dalaga niyong anak. So please, do mankind a favor and take them to the gym.
