Game Face na Chucks
May 21, 2009Chucks. Ito ang katauhan mong takot mabatukan ng mga magulang mo. Naalala mo ba yung sabi nila?
“Kapag hindi mo natapos ang engineering in time, kapag may uulitin kang subject, hindi ka na namin pag-aaralin.”
Chucks. Kailangan mong matapos in time. Wala kang uulitin na subject. Hindi ka sasablay. Hindi ka magkaka-kwatro o singko. Dahil kahit anong mangyari, magaaral ka ng mabuti para makamtam ang una mong pinakamatamis na TRES.
Halughugin mo na ang lahat ng pwedeng mag-inspire sa yo. Ihanda mo na ang balde-balde mong kape para makapagfocus ka. Ihanda mo na ang two hundred pesos na kailangan mo para makapagpadeliver ka ng mcdo sa oras na gutumin ka sa kakaaral. Ihanda mo ang ashtray para sa yosing susunugin mo habang nag-aaral.
Dahil hindi ka pwedeng bumagsak. Ang pogi, pwedeng bumagsak dahil pogi naman sila at pwede silang mag-artista. Pogi ka naman, pero dahil Maningas ka, hindi ka pwedeng bumagsak kahit pwede ka mag-artista. Ayokong magtapos ka sa ibang paaralan. Ikaw ang unang Maningas sa family tree mo sa UP. Kaya sana, pag-igihan mo.
Mahal kita Chucks.
Love,
Chucks
