Tickets to Fruitcake Heights
February 28, 2009Ayun. May tickets na ako para sa Eraserheads Concert sa sabado. Dahil birthday ko, sumang-ayon yung isa kong tita na sagutin yung tickets ko. Pero parang hindi ako excited bigla mapanood yun. Ewan ko ba kung bakit. Tignan natin. Maeenjoy ko naman siguro yun kung saka-sakali.
Birthday ko na sa March 6. Ano regalo mo sa akin?
Ang pagdadaanan ng milyon-milyong boypren sa Pinas
February 24, 2009Sa binatilyong pananaw mo, sunod na siguro sa balitang sampung linggo nang delayed ang period ng girlfriend mo, ang balitang gusto kang makilala ng mga magulang ng babae ang pinakanakatatakot, nakatitindig balahibo, at pinaka-”Sana-may-maimbento-akong-valid-at-convincing-excuse-para-maiwasan-’to” na maaari mong pagdaanan.
Kahit ano mang pilit mo, ito’y isang bagay na hindi maiiwasan dahil Pilipino tayo at talaga hindi na yata mabubura ang hassle na tradisyong ito. Laos na ang maraming bagay, pero, hindi-hinding malalaos ang “meet the parents” filipino style, una, dahil sadyang nakaukit na ito sa ating kultura, o, gusto lang gumanti nung mga magulang nung girlfriend mo kasi napagdaanan din nila ito. Kung ano mang dahilan nila kung bakit ka nila gustong makaharap, ang masasabi ko lang, maghanda ka ng mabuti.
Hindi ito meet and greet. Hindi ka bisita. Hindi ka kaibigan. Hindi ka nila tatratuhing VIP. Ikaw yung boyfriend ng babae nilang anak na nagkataong favorite ng tatay at nanay niya at sa mata ng mga magulang ng girlfriend mo, suspect ka sa isang krimeng nais nilang tuklasin, at sa oras na matuklasan, ilalabas ang baril na nakaipit sa bewang at ang magagawa mo na lang ay umasang magigising ka sa ospital, buhay, matapos kang barilin ng nanilim na paningin ng mga magulang na ginulantang mo.
Question and answer portion. Akala mo sa Miss Universe lang meron nito, at natatawa ka pa kasi ang bobo sumagot ng mga contestant na magaganda. “I don’t feel any pressure right now.” Natawa ka doon. Pero ngayon, pagdadaanan mo yung dating nagpapatawa sa yo, only this time, ikaw yung pagtatawanan. Pauulanan ka ng mga tanong na hindi mo ineexpect dahil wala ito sa leakage na bigay sa yo ng kaibigan mong nagdaan na rin daw sa sitwasyong iyan. Gagapang sa mula sa batok mo papuntang likod ang malamig na pawis, naka-aircon naman, pero pagpapawisan ka pa rin. Manginginig ang tuhod mo kahit minamani mo lang ang balot. Panay ang adjust mo sa iyong pagkakaupo dahil tinatantsa mo kung paano ka makakatagpo ng mabilisan at ligtas kung sakaling dumulas ka at masabing dun sa mesang iyon ng kanilang bahay mo pinatong ang anak nila nung isang araw at tinikman niyo dun ang luto ng Diyos o kaya triny niyo doon one time sa may hagdanan, Sadako style.
Bakit ba may Q&A kasi? At bakit dinaig pa nito ang Holy Inquisition? Well, gusto ka nga sigurong kilalanin ng mga magulang nung girlfriend mo at gusto nilang malaman kung hindi ba madudungisan ang mabuti nilang pangalan dahil sa yo, kung mapapaganda ba ang reputasyon ng pamilya nila dahil sa yo.
Make or break ang Q&A kung kaya’t mainam na maging sobrang handa. Huwag kalimutang dalhin ang Transcript of records, grades nung grade school, diploma, medals sa mga napalanunang contest both in academics and sports, certificates of good moral conduct, NBI clearance, at bank statements. Mag-ensayong magsinungaling sa harap ng salamin. Dapat maging komportable kang magsinungaling kasi kung hindi, hindi mo na makikita ulit yung nakasabit sa gitna ng hita mo. “Hindi po kami nagsex ng anak niyo.” Sabihin ito sa harap ng salamin 100 times gamit ang poker face mong nagpapapanalo sa yo sa tuwing may poker night kayo ng mga kaibigan mo. At dahil unang beses pa lang naman kayong magkikita ng mga magulang niya, advantage to dahil mahihirapan pa silang tantsahin kung nagsasabi ka ba ng totoo o hindi dahil hindi pa nila nakikita kung paano ka kumilos normally. Try mo ring kalimutan ang ilang mga detalyeng maaring lumabas pag ikaw ay dumalas tulad na lang ng impormasyong doon kayo sa loob ng banyo naghalikan noong isang araw noong nasa Batangas ang mga magulang ng girlfriend mo.
Hindi mahirap alamin ang iniisip ng mga magulang habang Q&A.
Nanay: “Oh my God, ito pala si Edward. May itsura nga naman at bagay kay Joana ko. Ang cute nila together!”
Tatay: “Ito ang tipo ng lalakeng may masamang intensiyon! Must cock-block! Must cock-block! Must cock-block!”
Matatanto na sa dalawang magulang, magiging maluwag sa yo ang nanay lalo na kung pogi ka. Mahihirapan kang suyuin ang tatay ng girlfriend mo dahil tulad mo, lalake ang tatay niya, at alam niya ang pinagdadaanan at pinagnanasahan ng isang lalakeng 18 years old. Kung kaya’t, sa Q&A, at sa iba pang okasyon, mainam na ituon ang pansin at effort sa nanay ng girlfriend mo. Kapag napanalo mo na ang nanay niya, susunod na yung tatay dahil hindi maipagkakailang under ang tatay, tulad na lang ng iba pang tatay, sa nanay kung kaya’t mapipilitan siyang tanggapin ka dahil tinanggap ka na ni komander.
Kapag naghanda nang mabuti, makalalabas ka ng buhay at kumpleto pa rin ang parte ng katawan at kung maswerte, tatanggapin ka ng mga magulang ng babae at hindi na awkward tawagin silang tito at tita at hindi na rin awkward na magmano ka sa kanila.
Olats o Winner
February 15, 2009Tanghali na. Bumangon ka sa kama mo, at dahil hindi ka nagtoothbrush kagabi bago matulog, nalalasahan mo pa yung huling shot na ininom mo bago ka umalis sa club na pinuntahan mo kagabi. Nabablanko ka, at triny mong alalahanin kung ano ba yung nangyari kagabi, kung nakailang shot ka, anong oras ka umalis at nakauwi, sinong nagpalit ng suot mo, at kung saan nanggaling yung mabahong likido na mukhang galing sa loob ng tiyan ng isang tao na nasa sahig mo. Ngunit, sa pagmumuni-muni mong ito, isang mahalagang bagay ang naalala mo: MAY NAKILALA KA KAGABI!
Kaya lang, hindi mo maalala kung anong itsura niya, kung olats o winner ba dahil unang-una sa lahat, madlim sa club kung kaya’t hindi mo nausisa ng mabuti ang itsura ng nakilala mo. Pangalawa, nakainom ka na kung kaya’t maaaring nagsystem failure ang standards mo kagabi kung kaya’t maaaring sobrang pangit nung kinilala mo o di kaya, lumakas yung loob mo at si Cristine Reyes pala yung nilapitan mo.
Kung hindi mo talaga maalala, ito na ang mga hakbanging maari mong gawin para maalala kung okay ba o basura ang nakilala mo.
1. Check your camera
-Kung may dala kang camera kagabi, chances are, nagpicture kayo nung nakilala mo. Baka nga nagphoto routine pa kayo. Kung wala kang dala, hintayin mong magpost ng pictures yung mga kaibigan mo sa multiply, chances are, pinicturan ka nila dahil naco-coolan sila sa yo dahil may pinick-up kang babae or dahil pinick-up ka ng lalaking kahawig ni Bentong.
2. Tawagan mo yung mga kaibigan mo
-tapos tanungin mo sila kung may naaalala ba sila kagabi. Kung meron, tanungin mo kung naaalala ba nila yung itsura nung nakilala mo. Dahil kaibigan mo sila, malamang-lamang na parehas kayo ng standards at matatanong mo sila kung olats o winner ba yung nakilala mo. After ka niyang sagutin, siyempre, tatanungin ka rin niya kung olats o winner ba yung nakilala niya, eh puta naman, ikaw nga di mo maalala itsura nung nakilala mo tas tatanungin ka pa niya. Tanggapin mo na lang na tanga yung kaibigan mo at sabihing, “Oo, winner pare/girl. Keeper yun.” Kung ano man isasagot mo, keep it generic at magbabay ka na sa kaibigan mo.
3. Humiga ka
-At subukan mo ulit alalalahanin. Alalalahanin mo yung buong gabi. Alalahanin mo kung anong pick-up line ba yung ginamit mo o kung anong move yung ginawa mo para lapitan ka. Humigop ka ng sabaw ng bulalo para marelax ka ng konti tas hanapin mo yung utak at kainin mo yun at baka sakaling maalala mo yung itsura niya.
4. Tignan mo yung mga damit mo o katawan mo
-Meron kasing mga taong ganun, yung kakikilala mo pa lang, pero parang kumapit na yata sa yo yung amoy nila. Baka sakaling maalala mo yung itsura niya kapag naalala mo na pabango niya pala yung kumapit sa tshirt mo kasi ang tindi pala nung ginawa niyong gilingan sa dancefloor. Tignan mo rin kung may suot ka bang singsing o kwintas na ibinigay niya sa yo. May mga tao kasing ganun, na kahit kakikilala mo pa lang, may ibibigay sila sa yo para raw maalala mo sila. O diba. Ginawa ko na yun before e, yung binigay ko nga lang, yung ID protector, kaya everytime na nakikita niya ID niya, naaalala niya ako. NAKSSSSSSS
5. Alalahanin mo kung ano yung pangalan niya
-Malamang-lamang ay nagpalitan man lang kayo ng pangalan nung gabing iyon. At mahalagang nagpalitan kayo ng pangalan. Dahil ang pangalan niya ang magiging ticket mo sa pinakamadaling paraan at hassle free way to check out kung olats o winner ba siya. Gagamitin mo ang pangalan niya dahil gagamitin mo ito para hanapin siya sa internet. Usually, magiging kaibigan mo dito ang Friendster, Facebook, Multiply o Myspace. Mahalagang meron kang pang-stalk na account na may picture ng paborito mong rapper para angas. Kung hindi mo maalala yung pangalan niya, next time, dapat, kapag may kinikilala ka, hingin mo yung buong pangalan at para mahingi yun, dapat, ikaw yung mag-initiate by giving your whole name. “Ako nga pala si Edgardo Cruz De Los Santos. Ikaw, ano full name mo?”
Kapag hindi ka naman dumaan sa ganitong dilemma, may isa ka pang concern na maaaring harapin tulad na lang ng nararanasan ngayon ni Totoy Pogi. Si Totoy Pogi ay pumarty nung isang sa gabi sa Tryst, isang MECO Party. Today, napagdesisyunan niyang itext na ang babae na kakikilala niya lang nung biyernes.
Ang tanong, magrereply kaya yung babae?
Gagawin nating interactive ang tanong na ito, at nais kong hingin ang inyong opinyon hinggil sa maaring pagdaanan ni Totoy Pogi. Magreply lamang ng:
A) Magrereply yung babae at magiging masaya si Totoy Pogi
B) Hindi agad magrereply yung babae dahil wala siyang load
C)Hindi magrereply yung babae at magluluksa si Totoy Pogi
D) Hindi magrereply yung babae dahil pangit siya
Ilagay lamang ang inyong mga palagay o kuro-kuro sa comment box ng entry na ito. Maraming salamat at supurtahan natin si Totoy Pogi.
Pasalubong
February 13, 2009“Naiinitan ako.”
Yun ang sinabi mo sa akin nung minsang bumisita ka sa bahay namin.
Wala ang aking mga magulang; tayong dalawa lang.
Pumunta ako sa kwarto upang kunin ang bentilador dahil nakakahiya naman sa yo. Bisita kita. Hindi ka dapat mainitan.
Pagbalik ko sa sala, nakita kita’t nagulat. ‘Yan pala ang pasalubong mo sa akin.
Tinabihan kita at ngumiti.
Ngumiti ka rin.
Sandali lang akong nawala, nailabas mo na ang sorpresang kagabi mo pa ibinibida nung magkatext tayo.
Isinubo mo sa akin; nabigla ako. Hindi ako sanay.
Tinanggal ko ito sa kamay mo’t hinawakan ko.
Mas gaganahan lang talaga ako pag ako yung may hawak.
Dinilaan ko.
Nung una, dahan-dahan kasi, gusto kong lasapin.
Di nagtagal, at dahil marahil sa kainitan, may tumulo sa kamay ko.
Ngumiti ka, pupunasan mo dapat, pero feel kong magpacute sa yo kaya dinilaan ko na lang yung nasa kamay ko.
Tumawa ka. Tumawa rin ako.
Ayoko nang matuluan ulit ang kamay ko, kaya sinimulan ko nang isubo lahat.
Hindi ka tumitingin sa akin. Nakatingin ka lang sa TV. Sino bang mas mahalaga, si Katrina Halili o akong nandiritong kasama mo’t subo-subo ang pasalubong na dala mo?
Hindi ganun katagal at nagsawa na rin ako.
Tumayo ako. At lumayo para kumuha ng maiinom. Ang lagkit sa lalamunan.
Sinundan mo ako ng tingin. Wala akong pake. Jan ka na kay Katrina.
Bumalik ako sa sala, at tinabihan kang ulit. Umayos ka ng upo.
Sabi mo, “Ayaw mo na ba?”
Sabi ko, “Ayoko na ng ice cream mo.”
Chocolate. Argh. Matamis, pero malagkit sa lalamunan.
Sabi mo, “May naiwan na naman sa may labi mo o.”
Sabi ko, “Saan?”
Sabay halik mo sa akin.
OMG MAY FAN NA AKO
February 12, 2009OH HO. Naluluha ako sa saya. May silbi naman pala blog ko. Akala ko,ako lang natutuwa basahin mga pinagsusulat ko kapag malamig ang gabi at kailangan kong magpa-init.
B2007 X Iglesias: pare sino si
B2007 X Iglesias: chucks.i.ph
B2007 X Iglesias: HAHA pasabi sa kaniya idol ko siya
Pach: haha klase ko brad
Pach:
Pach: ayos ah
B2007 X Iglesias: haha galing magsulat
Yay! Yun lang. Busy ako ngayon e. Wala akong bago. SESE
