Ang Tatay kong bumabagets

Ako si Chucks. ako’y 18 years old. Nabubuhay ako sa 3200 per month na allowance habang ang tatay kong 46 years old naman ay walang pakundangan sa paglustay ng salaping kanya namang pinaghirapan.

Impulsive buyer ata tatay ko. Ewan ko, pero malakas talaga siya magshopping o bumili ng gusto niya. Marami siyang pantalon na hindi naman bagay sa edad niya pero hindi pa naman umaabot sa puntong bumili siya ng skinny jeans salamat sa Diyos. Ang weird siguro nun. Tatay ko, nakaskinny jeans sabay nakaumbok ang kanyang beer-daddy belly. Yung tiyan na meron lahat ng tatay. Meron nga rin pala siyang Chucks. Dalawa. Daig pa ako e. Yung isa niyang Chucks, may skulls. ahahah. Astig ng tatay ko.

Nung December, nanonood siya nung channel sa TV na nagbebenta ng kung ano-ano. Nakakabobo talaga yung mga channel na ganun, minsan, mapapahanga ka talaga e.

Favorite ko dun yung mga nagbebenta ng breast enhancement products na usually galing Japan or China kasi singkit yung babaeng nagbibigay ng testimonials tungkol sa paglaki ng boobs nila after gamitin yung products na binili nila sa TV. Tapos, best part yung kapag ipapakita yung before and after, makikita mo talagang lumaki yung boobs nila e kasi may front view, may side view, may top view, kulang na lang X-Ray basta ang punto nun, lumaki yung boobs nila at pwede kang mag-enjoy sa pag-observe kung pano lumaki yung boobs nila. Mahalagang may malapit na tissue pag nanonood ng mga Haponesang nagpapalaki ng boobs sa shopping tv networks.

Anyway, yun nga, nanonood tatay ko sa isang tv shopping network nung December at bumili siya ng isang set ng kutsilyo. Great. Pagdating nung kutsilyo niya, tinatanong siya ng nanay ko kung bakit siya bumili nun. Sabi lang ng tatay ko, “Eh kasi ang galing ng kutsilyo na to e.” Hinanahanap ko kung nasaan yung mga kutsilyo na to nung isang araw kasi meron kaming mangga dito sa bahay at hihiwain ko lang at kakainin para malaman kung sasarap ba yung mangga ko kapag yung kutsilyong pinanghiwa ko ay yung binili galing sa TV. Pero, hindi ko mahanap yung Magaling na Kutsilyo ng tatay ko, nakatago pala. Amputa. Bumili ng mahal pero magaling na kutsilyo sa TV para lang itago sa cabinet.

Two weeks ago, nung nasa Toyota yung Innova niya kasi check-up na, hinatid ko ang tatay ko dun para makuha niya na yung Innova niya. Hindi niya nakuha kasi hindi pa tapos ayusin. Pero isang bagay lang ang naalala kong sinabi nung tatay ko sa akin after niya akong utusan na ihatid ko siya sa warehouse niya: “Ang ganda nung bagong Land Cruiser.”

Kahapon, tumawag siya sa akin. Sabi niya, umuwi na raw ako, dumating na raw kasi yung Land Cruiser niya. 

Bumabagets ang tatay ko. Siguro, after niya akong bilhan ng Honda Civic two months ago, nainggit siya kasi ako, may bagong car, siya wala. Tapos, ginaya niya pa yung kulay ng kotse ko, kasi Black din yung Land Cruiser niya. Tapos, pinapalitan niya ata yung rims. Pagdating kong bahay, pinakita niya sa akin yung car niya. Ang cool kasi, kapag pinaandar mo yung kotse, yung steering wheel, umaangat tapos lalapit sa driver automatically by itself! Puta. Ang cool talaga e. So yun, pinakita niya sa akin yun. Proud siya e. Mas cool na raw siya sa akin. 

Okay rin na bumabagets tatay ko kasi, tulad ngayon, nagkakaroon ako ng topic na pwede kong isulat sa blog ko. Middle age crisis lang siya e.