Bored
December 28, 2008Edi yun. Nagutom ako kani-kanina lang. Tapos, naalala kong naging mabait pala yung nanay ko at bumili siya ng Purefoods Fiesta Ham, yung bilog, kasi nga pasko naman daw.
Kaya yun, pina-slice ko sa katulong namin at sabi ko, prituhin niya na lang, tipong, trinato kong Spam yung Purefoods Fiesta Ham. Kumuha ako ng kanin mula sa kaldero tapos nilagay ko sa plato siyempre kasi dun naman ako kakain. Sa plato. Habang hinihintay yung pinaprito kong Spam este Purefoods Fiesta Ham, naisipan kong manood muna ng TV. So, ikinabit ko ‘yong A Walk to Remember sa DVD player ng TV namin kasi gusto ko panoorin ulit yung movie. Hindi kasi ako naiyak nung unang beses ko panoorin kaya gusto kong bigyan ng isa pang pagkakataon yung A Walk to Remember para mapaiyak ako.
Nung nandun na sa part na nagkiss yung bidang lalake at babae sa dulang ginanapan nila, naalala ko na nagpaprito nga pala ako ng Purefoods Fiesta Ham. Pumunta ako sa kusina tapos yun, malamig na yung pinaprito kong Purefoods Fiesta Ham kaya ininit ko na lang sa oven toaster na pangtinapay lang naman talaga pero kapag tinamad ako, kung ano-ano yung iniinit ko doon. Naalala ko tuloy yung oven joke na sobrang labo. Anyway, ayun, mainit na siya.
Naghahanap ako ng sawsawan para sa Purefoods Fiesta Ham na prinito na ininit sa oven toaster para naman maging katakam-takam ang pagkain ko kasi siyempre, Purefoods Fiesta Ham yun, hindi basta-bastang ulam yun at tuwing pasko ko lang talaga nakakain kasi nga tuwing pasko lang binibili ng nanay ko yung Purefoods Fiesta Ham na yan.
Naalala ko na nag-grocery kami ng nanay ko nung isang linggo tapos bumili ako ng Mang Tomas. Yung gravy na masarap sa lechon kawali, yung tipong pwede mong isabaw sa kanin kapag lechon kawali yung ulam mo. Mang Tomas. All around sawsawan.
Kumuha ako ng platito at nilagyan ko ng Mang Tomas kasi yun yung plano kong gawing sawsawan ng Purefoods Fiesta Ham na pinaprito’t ininit ko sa oven toaster. Hinati ko yung isang slice ng Purefoods Fiesta Ham kakainin ko, tipong bite size ba, tinuhog sa tinidor, isinawsaw sa all around sawsawan Mang Tomas.
Good Lord. Hindi masarap. Ang inakala kong panalong tambalan ng prinitong Purefoods Fiesta Ham at all around Mang Tomas ay hindi masasarap. Purefoods Fiesta Ham + Mang Tomas = Titan Fail
Pero dahil ang dami kong nilagay na Mang Tomas sa platito, ginamit ko na lang din kasi sayang naman kung hindi ko na gagamitin. Pero putek. Ang laking pahirap nung ginawa ko na yun. Naglalaban yung lasa ng prinitong Purefoods Fiesta Ham at all around Mang Tomas.
I therefore conclude that Mang Tomas is not so all around after all.
Previous Comments
panalo to tangina hahaha!
Posted by jonik at January 19, 2009, 10:24 pmAdd a comment
This is really a good read. added you to my favorite blogs. 
Haha! Natry ko na ang Mang Tomas sa Ma Ling. Aba, sumarap ang kain ko nun, hehe..
Posted by ark at December 28, 2008, 8:58 pm